كيف تكتب اعلان بإستخدام قوة الكلمة ؟
تسويق 508
قوة وذكاء الإعلانات..دائماً تكمن "بالكلمات"
ولأن استخدام الكلمات جزءًا لا يتجزأ من صياغة القصص التي تلامس مشاعر الناس
في هذا الثريد راح اتكلم عن كيفية كتابة"إعلان"بإستخدام قوة الكلمة وكيف ممكن نستغلها
1- خل كلماتك بسيطة
العبارات الصعبة والكلام الكثير اذا دل على شي فهو يدل على إن ماعندك شي توصله
لذلك إذا عندك رسالة توصلها اكتبها بأبسسط الكلمات
2- اصنع قصة
ركز جهودك على قصة معينة ومقدمة جذابة تعرض فيها شخصية علامتك التجارية
لما تربط علامتك التجارية بقصة جيدة هنا راح تلمس الجانب العاطفي للمستهلك وبالتالي يكون عنده قابلية اكثر لتلقي رسالتك
3- اختصر رسالتك
الكلام الكثير يجيب الملل وممكن الشخص مايكمل إعلانك حتى او يتشتت من كثر الكلام
اختصر قد ماتقدر بدون ماتخل بمعنى رسالتك عشان توصله الرسالة بشكل أسرع وأوضح
4- راعي بيئة الرسالة
لما تعرف البيئة اللي بتوجه فيها الرسالة هذا يساعدك انك تختار الكلمات المناسبة اللي تقنع الناس بعلامتك التجارية
مو تجيب شخص ثقافته غربية وتبيه يسوي لك اعلان للمجتمع السعودي
5- البلاغة
كيف راح يوصل إعلانك اذا عندك أخطاء إملائية او نحوية ؟
لازم يكون عندك إلمام باللغة عشان تكتب بشكل صحيح وتوصل افكارك بشكل واضح وجاذب للإنتباه
تخيل تدفع على اعلان وافكار في الأخير كله اخطاء املائية مارح اثق فيك انا كمستهلك
6- استخدم الرموز
تشوف الكلمة صعبة صح ؟ انا ببسطها لك
الحين انا اذا قلت كلمة "حرية" ايش الأشياء الي تجي ببالك؟
"طيران -سماء -طيور-اجنحة"
بإختصار فكر ايش الكلمات الي ممكن تعني لهم شي اخر
هنا انت تبني رسالة قوية جدًا وتوصلك لهدفك
في النهاية خلي قدامك هذي النقاط وجرب تكتب نص إعلان وشوف الفرق كيف
هنا مثال على إعلان من انوش مطبق كل هذي العناصر
فيه قصة والنص يمثل البيئة اللي انتشر فيها + البساطة + الرسالة النهائية التسويقية مختصرة وواضحة
ملاحظة تم إزالة الموسيقى
كتبه @Heja_Market
